PROXECTO VOZ NATURA 2026-2027

- febreiro 23, 2026

🌿 ALLERULLOANATUREZA

Xustificación e contexto

No curso 2026-2027 o noso IES participará no programa Voz Natura, que celebra o seu 30 aniversario promovendo a educación ambiental nos centros educativos de Galicia.

O proxecto AllerUlloaNatureza nace coa ilusión de converter o noso centro nun espazo máis verde, sostible e comprometido co medio ambiente.

O noso instituto está situado nun contorno semiurbano e, ademais, estamos nun momento especial: a ampliación das instalacións. Isto convértese nunha oportunidade única para que o alumnado participe activamente na transformación do patio e das zonas verdes, facendo do centro un lugar máis agradable, máis habitable e máis respectuoso coa natureza.

Queremos que o alumnado sexa protagonista do cambio 🌱
Que coñeza, valore e protexa a flora e fauna autóctonas.
Que aprenda a utilizar os recursos naturais de maneira responsable.
Que participe na mellora do noso entorno máis próximo, incluído o tramo do Camiño de Santiago – Camiño de Inverno, presente na nosa contorna.

Porque coidar o medio é tamén coidarnos a nós mesmos.

🎯 Obxectivos do proxecto

🌍 Obxectivo xeral

Promover a educación ambiental e implicar activamente ao alumnado na protección e mellora do entorno natural do centro e da súa contorna.

✅ Obxectivos específicos

🌿 Poñer en valor as zonas verdes do instituto.
🌼 Mellorar o patio escolar mediante accións de axardinamento e limpeza.
♻️ Sensibilizar sobre a redución de residuos e a recollida de plásticos.
💡 Promover o aforro enerxético e o respecto polo medio ambiente.
🦋 Coñecer e protexer a flora e fauna autóctonas.
🔬 Relacionar ciencia e natureza a través de actividades de investigación co Departamento de Bioloxía.
🚶‍♀️ Valorar o patrimonio natural do Camiño de Santiago (Camiño de Inverno).

💚 O noso compromiso

AllerUlloaNatureza non é só un proxecto escolar.
É unha oportunidade para aprender facendo, para colaborar, para investigar e para construír un futuro máis sostible desde o noso propio centro.

Seguiremos compartindo neste blog todas as actividades, avances e experiencias deste camiño verde que comezamos xuntos.

Comentarios